Превземи

Публикацијата „Политики за дигитална инклузија и модернизација на образованието во Северна Македонија“, подготвена во соработка со Прогрес Институтот за социјална демократија, ја истражува итната потреба од дигитална трансформација на образовниот систем. Во услови кога 40% од учениците во руралните средини немаат пристап до компјутер или интернет, а помалку од половина од наставниците се обучени за користење дигитални алатки, документот предлага системски мерки за намалување на дигиталниот јаз и обезбедување еднаков пристап до образование.

Клучни наоди и препораки:

  • Национална стратегија за дигитална инклузија 2025–2030: јасни цели, буџет и индикатори за дигитална писменост и инфраструктура.
  • Инвестиции во дигитална инфраструктура: стабилен интернет и современа опрема во сите училишта, со приоритет на руралните заедници.
  • Обука на наставниците: минимум 15.000 наставници со сертифицирана дигитална обука до 2026 година.
  • Локални дигитални центри: поддршка за ученици без пристап до технологија и дополнителна едукација за родители.
  • Јавно-приватни партнерства: ангажирање на ИТ компании и донатори за опрема, обуки и е-ресурси.

Дигиталната инклузија е предуслов за праведно, современо и достапно образование. Со вистинска координација меѓу државата, општините и заедницата, Северна Македонија може да изгради образовен систем што не остава ниту едно дете зад себе.