Контакт

Втор модул од Школата за женски активизам посветен на родово одговорно буџетирање

Галерија

Вториот модул од Школата за женски активизам беше посветен на родово одговорното буџетирање и развојот на сервиси на локално ниво за справување со родово базирано насилство.

Во текот на модулот, учесниците имаа можност да се запознаат со основните принципи на родово одговорното буџетирање и со начинот на кој јавните политики и распределбата на финансиските средства можат директно да влијаат врз унапредувањето на еднаквоста меѓу жените и мажите.

Преку дискусија и практична работа, беше отворено прашањето како локалните буџети можат да служат како алатка за препознавање на постојните нееднаквости во заедниците, но и како механизам за креирање поконкретни и подостапни услуги за жените и граѓаните.

Посебен фокус беше ставен на улогата на локалните самоуправи во превенцијата и справувањето со родово базираното насилство, како и на потребата од развој на сервиси кои одговараат на реалните потреби на локалните заедници.